Friday, February 22, 2013

Seulaweut Saket nabi


Lirik Seulaweut Saket Nabi

Tiba-tiba uro jumat nyo teungoh preh-preh wate jumat, teuingat masa jak beut dile bak MIS Pesantren Ashhabul Yamin. Seulaen ceurita-ceurita laen yang mengesankan yang mantong membekas lam ingatan, tiba-tiba teuingat saboh wate teungoh latihan Seulaweut di lokal glah 3 (paleng ujoeng to pageu). Yang mantong teubayang na Muttaqin ngon Cut Ria, padahal rame laen lom yang ikot latihan untuk tampil di acara Maulid.

Iyaaa, Lirik Seulaweut nyan sangat mengharukan dan seolah-olah dapat merasakan keadaan haru saat Nabi wafeut. Leuh mita2 lirik seulaweut nyan di google hana meurumpoek, tapi akhir jih untoeng na video seulawetnyan di upload di youtube. leuh download ku catat keuh liriknyan. Memang saboh Seulaweut yang sangat menyentuh dan mengharukan.

Dalam posting kalinyo lon tuleuh lirik Seulaweut nyan, semoga bermanfaat dan semakin meningkatkan kecintaan tanyo keu baginda nabi Muhammad SAW.

Saket Nabi sang bungong keumbe
Hanjan ta the siat ka mala
Saket ngon siat ban bungong Layee
Sahbat than meute soe peugah hana

Nabi neukeun uloen nyo wafeut
karab ngong seukreut Malaikat ba
Oeh ban neuleungo kato ngon wafeut
Bandum meureut-reut tijoh ie mata

Di Abu Bakar neukeun le rijang
Hate kaleukang kamoe nyo dumna
Munyo ka tanle ya Rasulullah
Kagadoh tuah dum asoe donya

Teungoh nyan mandum baca seulaweut
nabi pih wafeut Malaikat ba
Dum Malaikat ditroen u bumo
Di jeut-jeut sagoe neupreh Maulana

Yoeh goh neubaloet Ya Rasulullah
Tamoeng Fatimah neucoem bak dada
Beudoh A'isyah neucom bak talak
Safiah nibak keuneng ban dua

Hasan ngon Husen bandua gobnyan
Paleut Janjoengan neusampoh muka
Oeh ban ka abeh neukalon-kalon
Baroe neupeugoh gapeuh di muka

Oeh leuh seuleuso neuikat kafan
yang boeh be bewan Ali Murttadha
Yang gulam ule Salman Farisi
Yang gulam gaki ya Abu Bakar

Umar Usman teule ngon ALi
Kanan ngon kiri di teuntang dada
Hasan ngon Husen neuseutot bagah
Lam beuleun peut blah peunoh cuaca

Peusare tanoh usman Ali
Teuma yang ple ie Saidina Umar
Salman Farisi neupula bate
Yang doeng bak ule cit Abu Bakar

Teuma Hafsah bak uboen-uboen
Maimunah neucom geulunyung dua
Di Juariyah neucom di gaki
Hindoen di pipi antara mata

Share

Twitter Delicious Facebook Digg Stumbleupon Favorites